„ბურჯანაძე - ერთიანი ოპოზიციის“ ლიდერი ნინო ბურჯანაძე მიიჩნევს, რომ ხელისუფლება ევროკავშირთან ასოცირების შეთანხმებას გადაჭარბებული ემოციით ზეიმობს.

როგორც გადაცემა „რეაქციაში“ ბურჯანაძემ განაცხადა, აღნიშნული ხელშეკრულებით ქვეყნის მთავარი პრობლემები ვერ გადაიჭრება.

„დღეს ჩვენ ვზეიმობთ ისევე, როგორც ვიზეიმეთ 2008 წელს, როდესაც საზოგადოება წაგებულ ომს ზეიმობდა. მაშინაც არასწორი შეფასება იყო და როგორც მაშინ შეეცადა მაშინდელი ხელისუფლება, რომ შეექმნა ილუზიცა, დღესაც დღევანდელი ხელისუფლება გვაზეიმებს გადაჭარებული ემოციით, იმას რაც რეალობასთან ახლოს არაა. ჩვენ ამ ხელშეკრულებით ყველაზე მთავარი პრობლემის მოგვარებას ვერ ვუახლოვდებით, ვგულისხმობ ტერიტორიების დაბდუნებას. ნუ ვაზეიმებთ საზოგადოებას იმას, რაც რეალობასთან ახლოს არ არის. ჩვენი ხელისუფლება გადაყვა კონცერტებს, როდესაც 20 კილომეტრში რუსეთის ჯარი დგას და ცხინვალი რუსეთთან შეერთებაზე საუბრობს. ხელისუფლება გადაყოლილია ტაშ-ფანდურას“, - განაცხადა ბურჯანაძემ.