საქართველოს ექს-პრეზიდენტი მიხეილ სააკაშვილი იმ დამსახურებაზე საუბრობს რაც ვარდების რევოლუციის შემდეგ მისმა გუნდმა ევროკავშირთან ასოცირების ხელშეკრულების ხელმოწერისთვის გააკეთა. როგორც „რუსთავი 2“-ის ეთერში სტუმრობისას სააკაშვილმა განაცხადა, თავის დროზე ყველა დეტალი გათვლილი იყო იმისთვის, რომ საქართველო ევროპასთან დაახლოებოდა. მისი თქმით, მთავარი რასაც ევროპისკენ სვლა უკავშირდება „ვარდების რევოლუციაა“

„ეს არის საერთო გამარჯვება ქვეყნის და ყველა პოლიტიკური ძალის . ეს არის ისტორიული გარღვევა საქართველოსთვის. მთავარი რასაც უკავშირდება ჩვენი ევროპისკენ სვლა არის ვარდების რევოლუცია. მანამდე გამოცხადდა ევროკაშვირის სამეზობლო პროგრამა და არც უხსენებიათ პოსტსაბჭოთა რეგიონები. „ვარდები რევოლუციის“ შემდეგ გამოცხადდა, რომ საქართველო იქნება პირველი, ვისაც ჩართავენ სამეზობლოს პროგრამაში. ამის შემდეგ დაემატა და მოლდოვა. აგვისტოს ომის, შემდეგ როდესაც ბაროზუ იყო თბილისში, მან თქვა, რომ რაღაც უნდა მოვიფიქროთ რითაც რუსულ აგრესიას პასუხს გავცემთო. მაშინ დავსხედით და სტრატეგირების სესია ჩავატარეთ . ჩემი პოზიცია იყო ის, რომ დსთ-დან გამოვიდოდით და მათი პასუხი იყო აღმოსავლეთის პარტნიორობა. ეს არის ერთი ფორმალური ნაწილი. ამას გარდა იყო სხვა ასპექტებიც. ჩემს ინაოგურაციაზე დავუკარით ევროპის ჰიმნი, რაზეც დაგვცინეს. მთავრი მოტიცაცია, როდესაც შემოგვქონდა ხუთჯვრიანი დროშა იყო ის, რომ სავიზიტო ბარათივით გვეთქვა - ჩვენ ვართ ქრისტიანი ცივილიზაცია. ყველა დეტალს ჰქონდა მნიშვნელობა. წამოვწიეთ არგონავტების მითი, მედეას ძეგლი დავდგით ბათუმში. მღვიმეს დავარქვი პრომეთეს მღვიმე და გვისაყვედურეს რატომ არ დავარქვი ამირანი. ამირანს ევროპაში არავინ სცნობდა და პრომეთეს ყველა. ერთი სიტყვით ტურიზმი სიმბოლიკა, ყველაფერს მნიშვნელობა აქვს“, - განაცხადა სააკაშვილმა.