სრულიად საქართველოს კათოლოკოს პატრიარქმა უწმინდესმა და უნეტარესმა ილია მეორემ ევროპის მოედანზე შეკრებილ საზოგადოებას ევროკავშირთან ასოცირების ხელშეკრულების ხელმოწერა მიულოცა. როგორც პატრიარქმა ბრძანა, აღნიშნული ხელშეკრულება საქართველოსთვის დიდი პასუხისმგებლობაა.

„დღეს არის ბედნიერი დღე. საქართველოში ყველა ქართველი ზეიმობს დღევანდელ დღეს. ჩვენ როგორც არასდროს, ვუახლოვდებით ევროპის კულტურას. ჩვენ უნდა გვახსოვდეს, რომ საქართველოსთვის ეს არა მარტო დიდი პატივი, არამედ დიდი პასუხისმგებლობაცაა. საქართველომ უნდა აჩვენოს ევროპას და მთელ მსოფლიოს ჩვენი უძველესი კულტურა, ჩვენი საგალობლები, ჩვენი ფასეულობა და ჩვენი წარსული. ღმერთმა დალოცოს თითოეული ადამიანი, რომელიც ამ დღისთვის შრომობდა“, - ბრძანა პატრიარქმა.