ქართველმა ხალხმა, გარკვეული სირთულის მიუხედავად, შეძლო საკუთარი პროდასავლური არჩევანის დაცვა, - ამის ევროკავშირის ელჩმა საქართველოში ფილიპ დიმიტროვმა განუცხადა.

მისი თქმით, ასოცირების შესახებ ხელშეკრულების გაფორმების გამო დღევანდელი დღე ისტორიულია.

"ეს მართლაც ისტორიული დღე და საქართველოს დიდი აღიარებაა. 4 წელია, რაც თქვენს ქვეყანაში ვმუშაობ და ეს პერიოდი ემთხვევა ასოცირების შეთანხმების თაობაზე მოლაპარაკებების წარმოებას. ახლა უკვე მივედით ხელმოწერის ეტაპამდე. პრეზიდენტმა ვან რომპეიმ თქვა, რომ დღეს ევროკავშირი, როგორც არასდროს, ახლოს იქნება საქართველოსთან და მას მხარს დაუჭერს. ეს არა მარტო მთავრობის, არამედ ქართველი ხალხის მიღწევაა. მათ შეძლეს, გარკვეული სირთულის მიუხედავად, საკუთარი პროდასავლური არჩევანის დაცვა", - აღნიშნა დიმიტროვმა.