„მთავარია ქვეყნის სტაბილური განვითარება დანაკარგების გარეშე და მშვიდად მოხდეს და არ აქვს მნიშვნელობა, საქართველო MAP-ს თუ რაიმე უკეთესს მიიღებს“, - ამის შესახებ საქართველოს პრემიერ-მინისტრმა ირაკლი ღარიბაშვილმა განაცხადა.

მისი თქმით, მნიშვნელოვანია, რომ დღეს არსებული პროგრესი ადეკვატურად იყოს შეფასებული ნატო-ს წევრი ქვეყნების მხრიდან.

“მე ვარ კმაყოფილი იმ პროგრესით, რომელიც ჩვენ გვაქვს, რომელსაც ჩვენმა ქვეყანამ მიაღწია და განსაკუთრებით ბოლო 2 წლის განმავლობაში და ჩემთვის, ჩვენი ხელისუფლებისთვის მთავარი არის ის, რომ ეს პროგრესი იყოს ადეკვატურად შეფასებული და დაფასებული ნატო-ს წევრი ქვეყნების მიერ. ჩვენ გვაქვს დაპირება, რომ ეს პროგრესი იქნება შეფასებული შესაბამისად რა თქმა უნდა, გათვალისწინებით ყველა იმ ფაქტორისა, რომელიც ჩვენს წინაშე არის და იმ გამოწვევებისა, რომელიც ამჟამად ჩვენს წინაშე არის. მე ვთვლი, რომ რაიმე წინასწარი მოლოდინების გაჩენა არასწორია. ჩვენი მთავრობა არ არის ორიენტირებული იმაზე, რომ წინასწარ გავუჩინოთ მოქალაქეებს რაიმე მოლოდინი არამედ, ჩვენი მთავარი ამოცანა არის ის, რომ ჩვენი სტაბილური განვითარება გავაგრძელოთ უმტკივნეულოდ, ყოველგვარი დანაკარგების გარეშე და მშვიდად. ეს არის მთავარი ამოცანა და ჩვენ ამისკენ მივისწრაფით. იქნება ეს MAP თუ უკეთესი, ეს ყველაფერი დამოკიდებულია ნატო-ს წევრი ქვეყნების საბოლოო გადაწყვეტილებაზე, რომელიც გახდება ცნობილი ძალიან მალე. ჯერ ყველაფერი წინ არის, ასე რომ, სჯობს, დაველოდოთ”, - განაცახდა ღარიბაშვილმა