„ევროკავშირთან ასოცირების ხელშეკრულებაზე ხელმოწერა წინა ხელისუფლების მიერ დაწყებული წარმატებული მუშაობის გაგრძელებაა“, - ამის შესახებ საპარლამენტო უმცირესობის წევრმა დავით ბაქრაძემ განაცხადა.

“სიმბოლურია, რომ ამ შეთანხმებაზე მუშაობა დაიწყო და შეუქცევადი გახდა წინა ხელისუფლების პირობებში, ხოლო წარმატებით ხელი მოეწერა უკვე ამ ხელისუფლების დროს. საქართველომ უნდა გააგრძელოს მშვიდობიანი განვითარება, წარმატებული განვითარება და ასეთ შემთხვევაში ეს ხელმოწერა იქნება ერთი ნაბიჯი იმ დიდ გზაზე, რასაც აუცილებლად ერქმევა მომავალში ჩვენი ევროკავშირში გაწევრიანება”,- განაცხადა დავით ბაქრაძემ.