განათლების მინისტრი აბიტურიენტების აქციას გამოეხმაურა, რომელიც გუშინ სამინისტროს წინ საინიციატივო ჯგუფის ორგანიზებით გაიმართა.

თამარ სანიკიძის თქმით, ეს არ წამოადგენდა იმ თემას, რაზეც ყურადღება უნდა გამახვილებულიყო.

"რაც შეეხება იმ მცირე ინციდენტს, რომელსაც ადგილი ჰქონდა წინა დღეებში, მე ვფიქრობ, არ წარმოადგენდა ეს იმ თემას, რომელზეც ყურადღება უნდა გამახვილებულიყო. ის რაც გაკეთდა, აბიტურინეტების ინტერესიდან გამომდინარე იყო. ეს უკვე მოგვარებულია. დღეს დაიწყო უკვე გამოცდები. მე მინდა ყველა აბიტურიენტს ვუსურვო წარმატება. რამდენადაც ინფორმაცია მაქვს, ექსცესებს ადგილი არ აქვს. შიგადაშიგ მეც მივალ და თვითონ გავაკონტროლებ, როგორ მიმდინარეობს იქ პროცესი", - განაცხადა სანიკიძემ.

აბიტურიენტთა საინიციატივო ჯგუფის ორგანიზებით გუშინ განათლებისა და მეცნიერების სამინისტროს წინ აქცია სახელწოდებით "ჩამოყალიბდით" გაიმართა. აბიტურიენტები ქართული ენისა და ლიტერატურის გრამატიკის გამოცდასთან დაკავშირებით განხორციელებულ ცვლილებებს აპროტესტებდნენ.