საქართველოს მასშტაბით საცხოვრებელი ფართი დაახლოებით 3 500 ადამიანს დაუკანონდა. ამის შესახებ დევნილთა მინისტრმა დავით დარახველიძემ განაცხადა. მისი თქმით, მიმდინარე წელს საცხოვრებელი ფართების მესაკუთრეები უკვე 2 200-ზე მეტი დევნილი ოჯახი გახდა.

„დღეს მთავრობამ კიდევ ერთი დიდი ნაბიჯი გადადგა და დევნილი საზოგადოების მხარდაჭერის თვალსაზრისით დიდი აქცია განახორციელა. ათასამდე ოჯახს საცხოვრებელი ფართები საკუთრებაში დაუკანონდათ, მათ შორის ისეთ პრესტიჟულ უბნებში, როგორიცაა წყნეთის, თბილისის ზღვის დასახლება. დღევანდელი აქციის შედეგად, თითქმის 3 500-ზე მეტი ადამიანი სერიოზული კაპიტალის მფლობელი გახდა“, - განაცხადა დარახველიძემ.