ადგილობრივი თვითმმართველობის არჩევნების მეორე ტურზე დაახლოებით 5 მილიონი ლარი დაიხარჯება, აქედან 3 მილიონი ლარი მთავრობის სარეზერვო ფონდიდან გამოიყოფა. ამის შესახებ საქართველოს ფინანსთა მინისტრმა ნოდარ ხადურმა გააკეთა კომენტარი:

"წინასწარი გაანგარიშებით, არჩევნების მეორე ტური დაახლოებით 5 მილიონი ლარი დაჯდება. 1 600 000 ლარზე მეტი ცესკო-ს ანგარიშზე ნაშთი დარჩა, რომელსაც ის გამოიყენებს. დამატებით ამ ეტაპზე გამოვყოფთ 3 მილიონ ლარს. არჩევნების დასრულების შემდეგ, როცა ზუსტი ინფორმაცია გვექნება, შესაბამის გადაწყვეტილებებს მივიღებთ", - განმარტა ფინანსთა მინისტრმა ნოდარ ხადურმა.