ევროპულ და ვეროანტლანტიკურ სტრუქტურებში ინეტგრაციის საკითხთა სახელმწიფო მინისტრი ალექსი პეტრიაშვილი სერგეი ლავროვის განცხადებას ეხმაურება. პეტრიაშვილი მიიჩნევს, რომ ლავროვის განცხადება დსთ-ის სავაჭრო ზონისთვის საფრთხეების შექმნასთან დაკავშირებით საქართველოს არ ეხება.

„ეს ჩვენ კონკრეტულად არ გვეხება, რადგან დსთ-ის სივრცეში აღარ ვართ. ჩვენ გვაქვს ჩვენი ორმხრივი და მრავალმხრივი მოლაპარაკებები, სავაჭრო შეთანხმებები, რომლის რევიზია შესაძლებელია, უბრალოდ ეს ნორმალურ სამუშაო ატმოსფეროში უნდა მოხდეს და არა უხარისხო შანტაჟის ფორმით“-განაცხადა პეტრიაშვილმა.

სერგეი ლავროვის თქმით, თუ ევროკავშირთან შეთანხმებას ნეგატიური შედეგები იქნება დსთ-ს თავისუფალი სავაჭრო ზონისთვის, რუსეთი კანონებით განსაზღვრულ თავდაცვით ზომებს მიიღებს.