“პრემიების გაცემა არ უნდა იყოს დამოკიდებული მხარჯავი უწყების ხელმძღვანელის ნებაზე”, - ამის შესახებ ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვილთა მინისტრმა დავით დარახველიძემ განაცხადა.

"ერთ-ერთი მეც ვიყავი, ვისი მოსაზრებაც იყო, რომ პრემიების საკითხი უნდა იყოს მოწესრიგებული და არ უნდა იყოს დამოკიდებული ცალკეული მხარჯავი უწყების ხელმძღვანელის ნებაზე და ბუნებრივია, არ უნდა იყოს შეუზღუდავი. შესაბამისად, მომავალში თუ ვინმეს მაინც მოუვა ასეთი აზრი და გადაწყვეტს დაუსაბუთებელი პრემიის გაცემას, ნორმის მიხედვით ეს შეზღუდული იქნება და საფინანსო სამსახურები მას ამაზე თანხმობას არ მისცემენ", - განაცხადა დავით დარახველიძემ მთავრობის სხდომაზე.