კოალიცია „ქართული ოცნების“ ოფისთან იპოთეკით დაზარალებულების საპროტესტო აქცია მიმდინარეობს. აქციაზე ხაშურიდან, გორიდან და ქუთაისიდან შეიკრიბნენ.

აქციის მონაწილეები გამოსახლების პროცესის შეჩერებას, გრძელვადიან შეღავათიან

კრედიტებს და ხელისუფლების წარმომადგენლებთან შეხვედრას ითხოვენ.

ისინი სკანდირებენ: „კალაძე, ეს არის გენოციდი, ანექსია“.

„ჩვენი მოთხოვნაა, შეჩერდეს გამოსახლება, გამოცხადდეს მორატორიუმი, გამოიძიონ გაყიდული ბინების საქმეები და მოხდეს გრძელვადიანი დაბალპროცენტიანი სესხებით ჩანაცვლება. ეს მათი დანაპირები იყო და თუკი ამას არ ასრულებენ, ქუდზე კაცი გამოვალთ, გამოვაცხადებთ ვადამდელ საპარლამენტო არჩევნებს და დღე და ღამე ქუჩაში ვიქნებით. სხვა გზა არ დაგვრჩა“,- აცხადებენ აქციის მონაწილეები.