„ნატო-ს წევრ ქვეყნებს შორის MAP-ზე კონსენსუსი რომ არ არსებობდა, ეს ისედაც ვიცოდით“, - ამის შესახებ საგარეო საქმეთა მინისტრმა მაია ფანჯიკიძემ განაცხადა.

რაც შეეხება პაკეტს, რომელსაც საქართველო უელსის სამიტზე მიიღებს, ფანჯიკიძის თქმით, ეს კიდევ უფრო დაახლოვებს საქართველოს ნატო-სთან.

„ძირითადი, არსებითი პაკეტი შეიცავს ელემენტებს, რომლებიც ჯერ კიდევ არის განხილვის პროცესში და ალბათ, იქნება განხილული და ძალიან მალე იქნება გადაწყვეტილება მიღებული, – გადაწყვეტილება, თუ რა კონკრეტული ქმედითი ინსტრუმენტები იქნება შემუშავებული ამ პაკეტის შიგნით. ეს პაკეტი ემსახურება იმას, რომ საქართველო კიდევ უფრო დააკავშიროს ნატო-ს და კიდევ უფრო დააახლოვოს თავის მიზანთან. მაპ-ზე კონსენსუსი რომ არ არსებობს, ეს ჩვენ ვიცოდით და ვიცით ახლაც“, - განაცხადა ფანჯიკიძემ.