უმცირესობის წევრი ლევან ბეჟაშვილი არჩევნების მეორე ტურში გაყალბების გაჩენის რისკებზე საუბრობს.

"ვფიქრობთ, რომ იმ ადამიანებს, ვინც პირველ ტურში სხვა ოლქებში მიიღეს მონაწილეობა არჩევნებში, არ უნდა მიეცეთ საშუალება უკვე მეორე ტურში გასამართ სხვა ოლქებში მონაწილეობის მიღებისა.

ამით მაღალი რისკი ჩნდება არჩევების გაყალბების და შედეგებით მანიპულირების. ცესკომ ცვლილებები უნდა შეიტანოს, რომ ერთგვარად დახუროს გაყალბების ეს ხვრელი.

იმავდროულად, მოვუწოდებთ სადამკვირვებლო ორგანიზაციებს, დააწესონ მონიტორინგი ჩვენთან ერთად იმ ოლქებში, სადაც მეორე ტური უნდა გაიმართოს და ერთად გავაკონტროლოთ ამომრჩევლის ხელახალი რეგისტრაციის პროცესი, რათა არ მიეცეთ საშუალება ცალკეულ პირებს, არჩევნების შედეგებით მანიპულირება მოახდინონ", - განაცხადა ბეჟაშვილმა.