საქართველოს შინაგან საქმეთა მინისტრის ალექსანდრე ჭიკაიძის განცხადებით მისთვის ერთერთი პრიორიტეტი სასაზღვრო პოლიცა და სანაპირო დაცვა იყო. მინისტრის განცხადებით სამინისტრო აღნიშნული უწყებების განვითარებას ხელს უწყობს:

„ჩემთვის ერთ-ერთი პრიორიტეტი სასაზღვრო პოლიცია, სანაპირო დაცვა იყო. ძალიან ვუწყობთ ხელს მის განვითარებას. რა თქმა უნდა, ამას რესურსი სჭირდება, რომელის ნაწილი ჩვენი სახსრებიდან ფინანსდება. ამ შემთხვევაში სანაპირო დაცვისთვის ამერიკული მხარე ძალიან დაგვეხმარა. მათი თანადგომით და მათი დაფინანსებით მოხდა ინფრასტრუქტურის განვითარება, აშენება, რაც ჩვენი სანაპირო ხაზის დაცვასა და ეფექტურ მუშაობას ხელს შეუწყობს. გარდა ამისა, ეს შენობა კრიზისული სიტუაციების დროს მუშაობისთვის იქნება განკუთვნილი. აქ რამდენიმე უწყების წარმომადგენელი შეიკრიბება და სხვადასხვა საკითხი უფრო მარტივად გადაწყდება, რაც მრავალი პრობლემის მოგვარებას შეუწყობს ხელს”, - განაცხადა ჭიკაიძემ.