აზერბაიჯანის პრეზიდენტის ილჰამ ალიევის განცხადებით, „აზერბაიჯანისთვის რეზოლუციების შესრულება მნიშვნელობვანია, თუმცა არცერთი რეზოლუცია, რაც აზერბაიჯან-სომხეთის კონფლიქტს ეხება, არ შესრულებულა“.

ამის შესახებ აზერბაიჯანის პრეზიდენტმა ევროსაბჭოში სიტყვით გამოსვლისას განაცხადა.

„რეფორმების გატარება ჩვენთვის პრიორიტეტია და არა იმიტომ, რომ რაიმე ვალდებულება გვაკისრია ან საერთაშორისო ქება დავიმსახუროთ, – ეს აუცილებელია აზერბაიჯანის მოდერნიზებისთვის. ძლიერი დემოკრატიული ინსტიტუტების გარეშე ეკონომიკური ინსტიტუტები ძლიერი არ იქნება. ჩვენთვის პრიორიტეტულია რეზოლუციების შესრულება, თუმცა არცერთი დოკუმენტი, რომელიც აზერბაიჯანსა და სომხეთს შორის არსებულ კონფლიქტს ეხება, არ სრულდება. ტერიტორიული მთლიანობის პრინციპის დაცვა საერთაშორისო სამართლის ფუნდამენტური პრინციპია და ეს პრინციპი ყველამ უნდა დაიცვას“,- განაცხადა ალიევმა.

მისი სიტყვით გამოსვლა სპეციალური დოკუმენტის განხილვით გაგრძელდება, რომლითაც აზერბაიჯანი სომხეთისთვის სანქციების დაწესებას მოითხოვს აზერბაიჯანის ტერიტორიების ოკუპაციის გამო.