მოლდოვისა და უკრაინის დელეგაციის წარმომადგენლები აცხადებენ, რომ რუსეთი იმავე სცენარს ახორციელებს, რაც გარკვეული დროის წინ ყირიმში მოხდა. მათივე განმარტბით, ეს არის ერთგვარი სადამსჯელო ოპერაცია იმ პოსტსაბჭოთა ქვეყნების მიმართ, რომლებმაც საკუთარი არჩევანი ევროპის სასარგებლოდ გააკეთეს.

„როგორც იცით, ამ კვირაში გაფორმდება ასოცირების ხელშეკრულება და ეს ძალიან მნიშვნელოვანია უკრაინისთვის, საქართველოსთვის და მოლდოვისთვის. რუსეთის მხრიდან კი ასეთი განცხადებები ძირს უთხრის ჩვენი ქვეყნების ევროპული ინტეგრაციის გზას. ყურადღება უნდა გამახვილდეს პოსტსაბჭოთა ქვეყნებში სეპარატიზმის განადგურებაზე. ძალიან სამწუხაროა, რომ რუსეთის ხელისუფლება მხარს უჭერს სეპარატიზმს“, - განაცხადა მოლდოვის საპარლამენტო დელეგაციის წევრმა, ვალერი გერმანსკიმ.