„რეფერენდუმი ისევე, როგორც საერთოდ დე-ფაქტო ხელისუფლება არის აბსოლუტურად უკანონო და არალეგიტიმური“, - ამ განცხადებით საქართველოს ოკუპირებული ტერიტორიებიდან დევნილთა, ლტოლვილთა და განსახლების მინისტრი ე.წ. სამხრეთ ოსეთში რუსეთის შემადგენლობაში შესვლასთან დაკავშირებით რეფერენდუმის ჩატარების საკითხს გამოეხმაურა.

მისი თქმით, აღნიშნული აქტივობა ქართულ-ოსურ ურთიერთობებში ცვლილებას არ შეიტანს.

“რეფერენდუმი, ისევე როგორც ცოტა ხნის წინ მათ ჩატარებული არჩევნები, ისევე როგორც საერთოდ მათი დე ფაქტო ხელისუფლება, არის აბსოლუტურად უკანონო, არალეგიტიმური, ამას არ ცნობს საერთაშორისო თანამეგობრობა, ისინი არ არიან საერთაშორისო სამართლის ფარგლებში, შესაბამისად, ეს აქტივობა ჩემი შეფასებით არანაირ ცვლილებას არ შეიტანს იმ საკითხებში, რომელიც არის ქართულ-ოსურ ურთიერთობაში”, - განაცხადა დარახველიძემ.