საქართველოს ყოფილი პრეზიდენტი მიხეილ სააკაშვილი უკრაინაში მიმდინარე მოვლენებსა და საქართველოში წარსულში განვითარებულ სცენარს შორის პარალელებს ავლებს. ამის შესახებ სააკაშვილი „ფეისბუქის“ საკუთარ გვერდზე წერს:

“მაშინ შევარდნაძემ დაზავების შესახებ 3 შეთანხმებას მოაწერა ხელი და ყველა ჯერზე რუსეთი ამას ძალების გადაჯგუფებისა და ახალი ტერიტორიების მისატაცებლად იყენებდა. დაზავების შესახებ განცხადებით პუტინმა სავარაუდოდ, სამი მიზანი დაისახა: პირველი – თავიდან აიცილოს დასავლეთის სანქციები, მეორე – პუტინმა მოახერხა ახალი სუბიექტის შექმნა ბანდიტების სახით, რაც იმის საშუალებას იძლევა, რომ მომავალში კონფლიქტს დაერქმევა კონფლიქტი უკრაინასა და დონეცკის სახალხო რესპუბლიკას შორის და არა კონფლიქტი რუსეთსა და უკრაინას შორის, და მესამე – შეეცდება უკრაინის ხელისუფლების ყურადღება მოადუნოს, ფარულად გააძლიეროს ბანდიტები გადამწყვეტი დარტმისთვის და დონეცკსა და ლუგანსკიდან უკრაინული ჯარის გამოძევებისთვის”, - აცხადებს მიხეილ სააკაშვილი.