„ნაციონალური მოძრაობის“ წევრი გოგა ხაჩიძე არჩევნების მეორე ტურში მონაწილე კანდიდატების დებატებთან დაკავშირებით „ფეისბუქზე“ პოსტს აქვეყნებს.

„დავით ნარმანიას საარჩევნო შტაბის განცხადება:

თუ საზოგადოებას სურს დებატები, გარდა ნეიტრალური ტერიტორიისა, უნდა დაკმაყოფილდეს შემდეგი მოთხოვნები:

# ნიკა მელია უნდა იყოს ხელ-ფეხ შეკრული;

# ნიკა მელია უნდა იყოს მშიერი და მთვრალი (უმჯობესია არაყით);

# დავით ნარმანია დებატებს უნდა დაესწროს მშობლებთან ერთად;

# დავით ნარმანიას ხმას უნდა დაედოს სპეც-ეფექტები (რევერი და ჰოლი);

# დავით ნარმანიას ტრიბუნასთან უნდა იდოს ცივი საზამთრო და დანა (საზამთრო - სასურველია დაუჭრელი);

# ჟურნალისტებს ეკრძალებათ დავით ნარმანიასთვის კითხვების დასმა თბილისთან დაკავშირებით;

# დებატების მიმდინარეობისას, ნებისმიერ დროს, დავით ნარმანიას უნდა შეეძლოს სტუდიაში ორი მოცეკვავის შემოყვანა და გამარჯვების აღნიშვნა უცნაური ცეკვით;

# თუ დავით ნარმანიას რაიმე გამონათქვამს ვერ გაიგებთ, საკუთარ თავს უნდა დააბრალოთ;

# დებატების მიმდინარეობისას, ნიკა მელიას ტრიბუნას, დასაბნევად და დასათარსად ბურთის კენწვლით წრეებს უნდა ურტყამდეს ვიცე-პრემიერი კალაძე;

# დებატების შედეგები უნდა დათვალოს ირაკლი ღარიბაშვილმა;“ - წერს ხაჩიძე.