თავდაცვის ყოფილი მინისტრი თენგიზ კიტოვანი აცხადებს, რომ „ნაციონალური მოძრაობა", საქართველოში, „ევრო-მაიდნის" მოწყობას აპირებს.

ყოფილმა მინისტრმა „რეპორტიორის“ პრესკლუბში ბაქოში მომხდარ შემთხვევასთან დაკავშირებით ისაუბრა და აღნიშნა, რომ ირმა ნადირაშვილისა და ზურაბ ჯაფარიძეს თანხა საქართველოში არეულობის მოსაწყობად შემოჰქონდათ.

„შესაძლოა, მათ უკვე ბევრი თანახა აქვთ შემოტანილი და ამით უნდათ ახალი „მაიდანი" მოაწყონ. ძალიან ყურადღებით უნდა იყვნენ ჩვენი სამართალადმცველები. „ნაციონალები" ისევ ქვეყნის სათავეში დაბრუნებას და ახალი პრეზიდენტის დანიშვნას აპირებენ. ჩვენი დეპუტატები, შემთხვევით დააკავეს აეროპორტში, მაგრამ თანხა სადღაც გაქრა. რა გარანტია გვაქვს, რომ ეს თანხა არ შემოვა და ახალი უკრაინა არ იქნება საქართველოში?! ამდენი უბედურების მოწმე ვარ და არ მინდა, საქართველოში არეულობა დაიწყოს და ისევ „ნაციონალები“ მოვიდნენ სათავეში!"-განაცხადა თენგიზ კიტოვანმა.

თენგიზ კიტოვანი, სამართალდამცავ ორაგნოებს მოუწოდებს დაინტერესდნენ აღნიშნული თემით და საფუძვლიანად გამოიძიონ.