ადგილობრივი თვითმმართველობის არჩევნებზე გამოვლენილ დარღვევებსა და წინასაარჩევნო პერიოდზე გაამახვილებენ ყურადღებას ქართველი დეპუტატები სტრაზბურგში გამართულ შეხვედრებზე, ისინი მარნეულსა და სხვა რეგიონებში შექმნილ ვითარებაზეც ისაუბრებენ მონიტორინგის კომიტეტის სხდომაზე.

სპეციალური მოხსენებით გამოვა საქართველოს სახალხო დამცველი და საქართველოში არსებულ ტენდენციებზე მიაწვდის ინფორმაციას ასამბლეის წევრებს.

ევროპის საბჭოს საპარლამენტო ასამბლეის სესია დღეს იწყება, სესიაზე ერთერთი მთავარი თემა იქნება უკრაინაში ჩატარებული საპრეზიდენტო არჩევნები, ევროპის საბჭოს გენერალური მდივნის არჩევა და მედიის შესახებ რეზოლუციის მიღება.