,,პირობას ვაძლევ ივანიშვილს, ძმრად ამოვადენ ყველა ბოროტებას“

,,პირობას ვაძლევ ივანიშვილს, ძმრად ამოვადენ ყველა ბოროტებას“ - შალვა ნათელაშვილი

პოლიტიკა - 18:48, 22 Jun, 2014

2216

,,ლეიბორისტული პარტიისა“ და საიას სარჩელი საქალაქო სასამართლომ ნაწილობრივ დააკმაყოფილა, მოსამართლის დადგენილებით, მთაწმინდისა და სამგორის ოლქის კონკრეტულ უბნებში ხმების ხელახალი გადათვლა მოხდება.

თემასთან დაკავშირებით კომენტარი გააკეთა ,,ლეიბორისტების“ ლიდერმა შალვა ნათელაშვილმა, რომელიც საქალაქო სასამართლოში იყო მისული. სასამართლოს გადაწყვეტილება შალვა ნათელაშვილმა უარყოფითად შეაფასა. ნათელაშვილის განცხადების მთავარი თემა იყო, საგარეჯოში სიის პირველი ნომერი ლეიბორისტული პარტიიდან თემურ მჭედლიშვლი, რომელიც ნათელაშვილი თქმით, გახდა საკრებულო დეპუტატი, თუმცა დღეს მას დაურეკეს და შეატყობინეს, რომ მან ვერ გადალახა ბარიერი და ვერ დააგროვა საკმარისი ხმები. თავად მჭედილშვილი აცხადებს, რომ ყველა ბერკეტს გამოიყენებს, რათა დაამტკიცოს სიმართლე. პარტიაში აცხადებენ, რომ ეს არის ხელისუფლების პასუხი იმასთან დაკავშირებით, რომ ,,ლეიბორისტულმა პარტიამ“ უნდობლობა გამოუცხადა არჩევნების შედეგებს და მოითხოვა ხმების ხელახალი დათვლა.

,,დიქტატორმა ივანივილმა მოიფიქრა სრულიად ახალი ბოროტება, რაც აქამდე არავის გაუკეთებია. უკვე გასული დეპუტატბის უკან გამოყრა დაიწყო საკრებულოებიდან. საგარეჯოს რაიონში სიის პირველი ნომერი თემურ მჭედლიშვილი, რომელიც გასული იყო დეპუტატად, აღმოჩნდა, რომ ერთი ხმა დააკლდა დღეს. მე უკვე ველაპარაკე საქართველოში აკრედიტირებულ დიპლომატიურ კორპუსს და პირობას ვაძლევ ივანიშვილს, რომ ძმრად ამოვადენ ყველა ამ ბოროტებას“, - განაცხადა შალვა ნათელაშვილმა.

ხმების ხელახალ დათვლასთან დაკავშირებით საქალაქო სასამართლოში რამდენიმე პროცესი ჩატარდა. სარჩელი შეიტანა ,,ლეიბორისტულმა პარტიამ“, ,,ნაციონალურმა მოძრაობამ“ და ,,ახალგაზრდა იურისტთა ასოციაციამ“.