შს მინისტრის მოადგილე ლევან იზორიას განცხადებით, დანაშაულმა იკლო, უბრალოდ იმატა გაშუქებამ. ამის შესახებ იზორიამ გადაცემა „განსხვავებულ აქცენტებში“ სტუმრობისას განაცხადა.

„დანაშაულის მატებას ადგილი არ აქვს, პირიქით, არის კლების ტენდენცია, გახსნის მაღალი მაჩვენებელი და პირიქით, მოხდა დანაშაულებრივი ფაქტების გამჟღავნება. ანუ მატება არის გაშუქებაში მედიის საშუალებით. 2012 წლის მაგალითზე გეტყვით, 115 ყაჩაღობიდან 54 გაშუქდა მხოლოდ, როდესაც 2013 წლის 7 თვის საანგარიშო პერიოდში 54 ყაჩაღობიდან 52 გაშუქდა, ანუ თითქმის ყველა. ანუ რეალურად, იმატა არა დანაშაულმა, არამედ მისმა გაშუქებამ“, – განაცხადა იზორიამ.