„მე და მიხეილ სააკაშვილი ქუჩაში შევხვდით ერთმანეთს“, - ამის შესახებ სქართველოს პრეზიდენტმა გიორგი მარგველაშვილმა გააკეთა კომენტარი. ინგა გრიგოლიას საავტორო გადაცემა „რეაქციაში“ მარგველაშვილმა უკრაინაში მისი და მიხეილ სააკაშვილის შეხვედრის შესახებ ისაუბრა:

„მე ვფიქრობ, რომ თემებზე, რომელსაც არავითარი საფუძველი არ აქვს, მე კომენტარს არ უნდა ვაკეთებდე, გამომდინარე თქვენი პატივისცემიდან და გამომდინარე იქიდან, რომ ჩემი პრესსამსახური დიდიხანია სხვადასხვა ვერსიებს მაწოდებს, ვიტყვი, რომ ჩვენ ქუჩაში გადავიკვეთეთ, ქალბატონი სანდრაც იყო, მე ქალბატონი სანდრა მოვიკითხე თბილად, მე არ დამრჩა შთაბეჭდილება, რომ მე მქონდა სააკაშვილისთვის რამე სათქმელი ან მას ჰქონდა რამე სათქმელი“, - განაცხადა მარგველაშვილმა.