ბესელია: არ მაქვს განცდა, რომ ჯაფარიძე-ნადირაშვილი ამას "არ იკადრებდნენ"

პოლიტიკა - 16:36, 20 Jun, 2014

1786

საპარლამენტო უმრავლესობის წევრის ეკა ბესელიას განცხადებით, მას არ აქვს იმის განცდა, რომ ირმა ნადირაშვილი და ზურაბ ჯაფარიძე არადეკლარირებული თანხის შემოტანას "არ იკადრებენ და არ გააკეთებენ".
"საყურადღებო იყო აზერბაიჯანში საქართველოს ელჩის განცხადება, რომელმაც დაადასტურა, რომ ნამდვილად ჰქონდა ფაქტს ადგილი, რომ პარლამენტის წევრები "ნაციონალური მოძრაობიდან", ნადირაშვილი და ჯაფარიძე შეაჩერეს საბაჟოს თანამშრომლებმა და ხდებოდა არადეკლარირებული, დაახლოებით მილიონ დოლარამდე თანხის გადმოტანის მცდელობა. ძალიან ბევრი კითხვაა, ძალიან ბევრი საეჭვო გარემოებაა, ისმის კითხვები იმ განმარტებებთან დაკავშირებით, რომლებიც თავად "ნაციონალური მოძრაობის" წარმომადგენლებმა გააკეთეს. ვფიქრობ, რომ სახელმწიფო უსაფრთხოების თვალსაზირისით და ქვეყნის ეროვნულ სახელმწიფოებრივი ინტერესებიდან გამომდინარე ამ ფაქტებს სჭირდება ყურადღებით შესწავლა", - განაცხადა ეკა ბესელიამ.
ბესელია მიიჩნევს, რომ აღნიშნულ თემაზე მოგვიანებით კიდევ მეტი ინფორმაცია გაცხადდება.
"თუ გავითვალისწინებთ იმასაც, რომ გაიხსნა ძალიან სერიოზული საქმე შავი ფულის შემოდინების უგულავას ქვისლის შემთხვევაში, ბუნებრივია, ამ ყველაფრის შემდეგ სეიროზული კითხვები ჩნდება. თუ ვინმეს აქვს იმის განცდა, რომ ეს ბატონები ამას არ იკადრებენ, არ გააკეთებენ, მე პირადად არ მაქვს ეს განცდა, მაგრამ ფაქტებით უნდა ვისუბროთ", - განაცხადა ეკა ბესელიამ.