„თვითმმართველობის არჩევნების მეორე ტური სავარაუდოდ, 12 ან 13 ივლისს ჩატარდება“, - ამის შესახებ ცენტრალური საარჩევნო კომისიის თავჯდომარემ თამარ ჟვანიამ განაცხადა. მისი თქმით, მას შემდეგ რაც ცესკო არჩევნების საბოლოო შედეგს გამოაქვეყნებს და სამ დღეში მეორე ტურის შედეგი ოფიციალურად გამოცხადდება.

რაც შეეხება იმ საარჩევნო უბნებს, სადაც არჩევნების პროცესი ჩაიშალა, ჟვანიას თქმით, ხელახალი კენჭისყრა 29 ივნისს ჩატარდება.

„ანაკლიასა და ხონში არჩევნების დღეს ვერ მოხდა შედეგების დადგომა და ჩაიშალა კენჭისყრა. ასევე გაბათილდა რამდენიმე საარჩევნო უბანი. ცენტრალურ საარჩევნო კომისიაში უკეე გაიმართა სხდომა და დაინიშნა განმეორებითი კენჭისყრები. საქართველოს მასშტაბით ამ ეტაპზე ასეთი 7 უბანია, სადაც 29 ივნისს ჩატარდება განმეორებითი კენჭისყრები“ - აცხადებს ჟვანია.