საგარეო საქმეთა მინისტრის ინფორმაციით, ბრიუსელში ასოცირების ხელშეკრულების ხელმოსაწერად გასამგზავრებელ დელეგაციაში საქართველოს პრეზიდენტი არ იქნება.

მაია ფანჯიკიძის თქმით, ქართული დელეგაცია განისაზღვრა ერთ პლიუს ოთხი ფორმატით.

„დელეგაციას უხელმძღვანელებს პრემიერი, რომელიც ხელს მოაწერს ხელშეკრულებას და იქნება ოთხი მინისტრი იმ უწყებისგან, რომლებიც ასოცირების ხელშეკრულებისა და თავისუფალი ვაჭრობის შეთანხმების შემუშავებაში მონაწილეობდნენ. ეს მინისტრები არიან - საგარეო საქმეთა მინისტრი მაია ფანჯიკიძე, ევროპულ და ევროატლანტიკურ სტრუქტურებში ინტერგაციის საკითხებში სახელმწიფო მინისტრი ალექსი პეტრიაშვილი, ეკონომიკისა და მდგრადი განვითარების მინისტრი გიორგი კვირიკაშვილი და იუსტიციის მინისტრი თეა წულუკიანი. უკვე ცნობილია, რომ ასოცირების ხელშეკრულების ხელმოწერა 27 ივნისს ადგილობრივი დროით დილის 09.00 საათზე შედგება. მას დაეწრება 28 ქვეყნის მთავრობის და სახელმწიფოს მეთაური", - განაცხადა ფანჯიკიძემ.