სისხლის სამართლის დანაშაულისა და საარჩევნო კოდექსის დარღვევის ნიშნებზე საუბრობს „ახალგაზრდა იუსრისტთა ასოციაცია“ ზუგდიდის რაიონის სოფელ კოკის ერთერთ საარჩევნო უბანზე მომხდარ კანონდარღვევასთან დაკავშირებით.

კახა კოჟორიძის თქმით აუცილებელია უბანზე მომხდარი ფაქტის გამოძიება და შედეგად შესაბამის უწყბეებს რეაგირებისკენ მოუწოდებს.

„ჩვენს მიერ კადრებში ნანახი ამბავი, ვფიქრობთ, რომ შეიცავს როგორც საარჩევნო პრინციპის, ფარულობის დარღვევას, ისე საარჩევნო კოდექსის კონკრეტული ნორმების დარღვევას. დანაშაულის ნიშნები ამ ქმედებაში იკვეთება“, - განაცხადა კახა კოჟორიძემ.

საქმის შესწავლის აუცილებლობაზე საუბრობენ ექსპერტი კახა კახიშვილი და ცენტრალური საარჩევნო კომისიის თავმჯდომარე თამარ ჟვანია.

„მთლიანი ფირის შესწავლის შედეგად ზემდგომმა საარჩევნო კომისიამ უნდა მიიღოს გადაწყვეტილება რა ბედი უნდა ეწიოს ამ უბანზე შედეგებს, რაც შეეხება ქალბატონს,თუ მთლიანი ფირის გაშიფვრის შემდეგ, მის მოქმედებაში იქნება სისხლის სამართლის დანაშაულის ნიშნები, უნდა დაიწყოს ამ საქმის გამოძიება“, - განაცხადა კახა კახიშვილმა.

„ნაციონალური მოძრაობის“ მიერ გავრცელებულ ვიდემასალაში ნათლად ჩანს, რომ დავით ნარმანიას დედა ნორა ნარმანია ზუგდიდში სოფელ კოკის 97-ე უბანზე ადგილობრივი თვითმმართველობის არჩევნებს აკვირდებოდა, მან საარჩევნო კაბინიდან გამოსული ამომრჩევლის ბიულეტენი შეამოწმა და ერთერთ ამომრჩეველს გაფრთხილებაც მისცა.