„ნაციონალური მოძრაობა“ ზუგდიდის რაიონის სოფელ კოკის საარჩევნო უბანზე გამოვლენილი დარღვევების გასაჩივრებას აპირებს. ისინი დავით ნარმანიას დედას არჩევნების ფუნდამენტური უფლეის, ანონიმურობის დარღვევაში ადანაშაულებენ, სამართალდამცავებსა და ცენტრალურ საარჩევნო კომისიას რეაგირებისკენ მოუწოდებენ.

„ნაციონალური მოძრაობის“ მიერ გავრცელებულ კადრებს ეხმაურება „ქართული ოცნებაც“, გია ვოლსკი კადრებში კანონდარღვევის ფაქტს ვერ ხედავს.

„სასიამოვნო კადრები არ არის, თუმცა დარღვევა ამაში არ იკვეთება, მაგრამ ყველაზე მნიშვნელოვანი, რაც თქვა ჭიაბერაშვილმა, ახსენდა და სერიოზული მინიშნება გააკეთა სოფელ კოკზე და ნარმანიას წარმოშობაზე, ეს სწორედ ის ჭიაბრეაშივილია, რომელმაც ქართლის დედას ფალოსი დააჭერინა ხელში და ბიუჯეტის თანხები გაფლანგა“, - განაცხადა გია ვოლსკიმ.