„ნაციონალური მოძრაობა“ კიდევ ერთი ვიდეომასალის გასაჯაროებას გეგმავს, სადაც ზუგდიდის რაიონის, სოფელ კოკის N97 საარჩევნო უბანზე აღმოჩენილი დარღვევებია აღმოჩენილი. ამის შესახებ უმცირესობის წევრი გოგა ხაჩიძე „ფეისბუქზე“ წერს.

„18:00-ზე აქ, ჩემს ფბ-ზე დავდებ ექსკლუზიურ კადრებს.

კადრებში გადაღებულია ზუგდიდის რაიონის, სოფელ კოკის N97 საარჩევნო უბანი.

საარჩევნო კომისიის წევრი, ბ-ნი დავით ნარმანიას დედა, პირადად აკონტროლებს რა ნომერი შემოხაზეს თვითონ საარჩევნო კომისიის წევრებმა და ამომრჩევლებმა.

ეს მარტივად და ღიად ხდება.

ბიულეტენების ყუთში ჩაგდებამდე ამომრჩეველი "ვალდებულია" ჯერ ზ.ა. ქალბატონს აჩვენოს 41- შემოხაზული ბიულეტენი და შემდეგ ჩააგდოს ყუთში.

"ყველაზე დემოკრატიული არჩევნები", - წერს ხაჩიძე.