საკრებულოს მომავალმა წევრმა და საბურთალოს ყოფილმა მაჟორიტარობის კანდიდატმა ალეკო ელისაშვილმა საბურთალოს გამგეობის მუშაობა დადებითად შეაფასა.

ამის შესახებ ალეკო ელისაშვილმა დავით პაიჭაძის გადაცემა „პიკის საათში“ ისაუბრა.

ალეკო ელისაშვილმა აღნიშნა,რომ მოსახლეობასთან შეხვედრებს დროს მას არაერთი განხორციელებული პროექტი დახვდა. მისი თქმით, გია ხუროშვილი, მიუხედავად მისი პარტიული წარმომადგენლობის, „მართლაც კარგი და ენერგიული გამგებელია“.

„საბურთალოს გამგებელს გია ხუროშვილს შევაქებდი, მიუხედავად იმისა, რომ ის „ნაციონალური მოძრაობის“ წევრია. ის არის ძალიან ენერგიული ადამიანი და მისი გაკეთებული და განხორციელებული პროექტი ბევრი დამხვდა უბანში. ის უბნის პრობლემებზე ნამდვილად ინფორმირებულია“, - განაცხადა ელისაშვილმა.