უმრავლესობის წევრი თინა ხიდაშელი თბილისის საკრებულოს თავჯდომარის განცხადებას ეხმაურება, სადაც შიხიაშვილი პრემიერბზე განმარტებებს აკეთებს.

"თქვენი ხელფასი რომ არ იყოს თქვენი შრომის შესაბამისი და შესატყვისი, თქვენი შრომისუნარიანობა და ნაყოფიერება შემცირდება? თვენს სტუდიის ხელმძღვანელს სერიოზულ პრობლემას გაუჩენთ" ეს არის თბილისის საკრებულოს თავმჯდომარის პასუხი პრემიაზე :((((

ანუ ამ ლოგიკით ბატონი შიხიაშვილი თბილისელებს (როგორც მისი სტუდიის ხელმძღვანელს) სერიოზულ პრობლემებს უჩენს და რთულია არ დაეთანხმო.

სრული დატვირთით და ღირსეულად მუშაობაში ადამიანი ხელფასს იღებს, ხელფასს!!!!!!!! დამსახურებული პრემია განსაკუთრებული გმირობისთვის გაიცემა ხოლო არჩეული ადამიანების პრემია ამომრჩევლის ხმებია, ხმები!!!!!

და კიდევ იმავე ბიუროს შეეძლო გადაეწყვიტა ამ ფულის პირდაპირ ფონდში გადარიცხვა, ამის პრობლემა არ აქვს საკრებულოს, მეტი გამოვიდოდა, საშემოსავლო არ დაიქვითებოდა“, - წერს ხიდაშელი „ფეისბუქზე“.

“ჩვენი საკრებულოს ხელისუფლებაში მოსვლის შემდეგ დაუმსახურებელი პრემია არასდროს გაცემულა”, - ამის შესახებ თბილისის საკრებულოს თავმჯდომარემ ირაკლი შიხიაშვილმა უწყებაში გასაცემ პრემიებზე კომენტირებისას განაცხადა.

“ჩვენი საკრებულოს ხელისუფლებაში მოსვლის შემდეგ დაუმსახურებელი პრემია არასდროს გაცემულა. ხაზგასმით მინდა ვთქვა, რომ საკრებულო თავის მოვალეობას ასრულებს სრული დატვირთვით და ღირსეულადაც ართმევს თავს. სწორედ ამის შედეგია, რომ აღარ ეძლევა საშუალება ზოგიერთ ვაჟბატონს, რომ 50 მილიონობით ლარი არამიზნობრივად გაფლანგოს. მიმაჩნია, რომ თავის მართლება არასწორი იქნება ჩვენი მხრიდან, ვინაიდან საკრებულოში პრემიების გაცემის საკითხს წყვეტს არა ერთი ადამიანი, არამედ კოლეგიალური ორგანო – ბიურო. ბიუროზე ერთსულოვანი და ერთობლივი გადაწყვეტილება იქნა მიღებული პრემიებთან დაკავშირებით. მითუმეტეს, რომ ეს პრემიები არის დამსახურებულად და თანაბრად ყველა თანამშრომელზე გაცემული როგორც დეპუტატებზე, ასევე აპარატის თანამშრომლებზე. ეს იყო მუდამ ასე. ამ შემთხვევაში გავრცელებულია ცრუ ინფორმაცია ამასთან დაკავშირებით თითქოსდა ადამიანების დიფერენციაცია ხდება და საკრებულო ამას სხვა მიზნებისთვის იყენებს”, - განაცხადა შიხიაშვილმა.