ამ წუთებში საქართველოს პრემიერ-მინისტრი სომხეთის პრეზიდენტს სერჟ სარგსიანს და სომხეთის დელეგაციის წარმომადგენლებს ხვდება.

შეხვედრაში მონაწილეობენ მინისტრები მაია ფანჯიკიძე, გურამ ოდიშარია, გიორგი კვირიკაშვილი და კოტე სურგულაძე. სამუშაო საუზმე "თბილისი მარიოტში" მიმდინარეობს. შეხვედრის შემდეგ ქვეყნებს შორის ორ ხელშეკრულებას მოეწერება ხელი. პირველი, ეს არის ხელშეკრულება საქართველოსა და სომხეთს შორის ტურიზმის სფეროში თანამშრომლობის შესახებ და საიდუმლო ინფორმაციის გაცვლისა და დაცვის შესახებ.

ხელშეკრულებებს ხელს ორი ქვეყნის საგარეო საქმეთა მინისტრები მოაწერენ.