„საქართველოს პატრიოტთა ალიანსის“ ლიდერის ირმა ინაშვილის განცხადებით საქართველოს საზოგადოების მთავარი პრეტენზია არის ის, რომ არ მოხდა სამართლიანობის აღდგენა.

ინაშვილმა ტელეკომპანია „რუსთავი 2“-ის გადაცემაში „არჩევანი“, ხელისუფლებას „ერთიანი ნაციონალური მოძრაობის“ წევრების დასჯისკენ მოუწოდა:

„გიგი უგულავამ გუშინ „საქართველოს პატრიოტთა ალიანსი“ მოიხსენია ოკუპანტთან ერთად, მასთან ერთად მინდა მივმართო „ერთიან ნაციონალურ მოძრაობას“, რომელიც არის აკანკალებული და ვუთხრა, რომ მათზე დიდი აგენტი არ ჰყოლია რუსეთს, ისინი ყველა იმ დავალებას ასრულებდნენ ფარულად, რაც რუსეთის ინტერესებში შედიოდა, მათ საქართველოს მიწის 22 პროცენტი რუსეთს აჩუქეს. გამარჯობათ „ნაციონალური მოძრაობის“ აგენტებო რუსეთისა, თქვენ თქვენი აგენტობის დამალვა გსურთ და მთელი საქართველო რუსეთის აგენტებად გამოაცხადეთ, ჩემო გიგი, „საქართველოს პატრიოტთა ალიანსის“ იზოლაცია კი არ უნდა მოხდეს პოლიტიკური სივრციდან, თქვენ და ,,ნაციონალური მოძრაობა" ხართ საშიში საზოგადოებისთვის. მე მთავრობას მივმართავ პასუხი გაგებინონ და მიგაბრძანონ ვანო მერაბიშვილის მსგავსად იზოლატორში, ისინი ერთ იზოლატორში უნდა მოათავსო და იქ ვის გაახსენდება ვინ არის ცვედანი და ცვედანობა ყველა ვნახავთ.

მთავარი პრეტენზია, რაც ჩვენს საზოგადოებას აქვს არის ის, რომ სამართლიანობა არ აღდგა და დღეს ,,ნაცმოძრაობის" ლიდერები კვლავ ბლატაობენ. „ქართულ ოცნებას“ ისინი უნდა დაესაჯა და გიგი უგულავა შემდეგ ასე ვეღარ ისაუბრებდა.

მე ვხედავ, რომ ჩვენი წარმატება მოულოდნელი იყო, ეს ნიშნავს იმას, რომ დიდი მხარდაჭერა გვაქვს. საქართველოში არ არის სამი მილიონ 500 ათასი ამომრჩეველი, საარჩევნო სიები არ დაზუსტებულა და ეს იყო გამოყენებული შემდგომი მანიპულაციებისთვის. ჩვენ ოთხ ოლქში გვაქვს მეორე ტური ,,ქართულ ოცნებასთან" ერთად და ჩვენ დარწმუნებული ვართ, რომ მოვუგებთ ,,ქართულ ოცნებას“, - გნაცხადა ირმა ინაშვილმა.