საქართველოს თავდაცვის ყოფილმა მინისტრმა ირაკლი ოქრუაშვილმა ადგილობრივი თვითმმართველობის არჩევნები შეაჯამა. ამის შესახებ ოქრუაშვილმა ტელეკომპანია „რუსთავი 2“-ის გადაცემა ,,არჩევანში" ისაუბრა:

„ჩვენ განსხვავებული კატეგორიის პოლიტიკური ძალა ვართ, რა თქმა უნდა ის დაბალი აქტივობა, რაც არჩევნებზე დაფიქსირდა ხალხში უნდობლობას ასახავს, ეს დამაფიქრებელი უნდა იყოს თითოეული ჩვენთაგანისთვის. იმ სიტუაციაში, როცა მე არ მომეცა არჩევნებში მონაწილეობის მიღების უფლება, სრულიად უცნობი კანდიდატი დავაყენეთ, ჩვენ შევძელით საკმაოდ მნიშვნელოვანი შედეგების დადება, მეორე ადგილი დავიკავეთ, როგროც ოლქში ასევე ქალაქში. რა თქმა უნდა ეს არ არის გამარჯვება, მაგრამ ჩვენთვის ეს არის წარმატება.

გაყალბებას თავისებური სახეები გააჩნია, თუ ვისაუბრებთ იმაზე, რომ რაიმე სახის მანიპულაცია მიმდინარეობდა, ამას ვერ ვიტყვი. ჩვენ დავიცავით ყველა წესი, მე არ მჭირდება ფულით ნაყიდი ნდობა. მეორე ტურში ჩვენ ვიბრძოლებთ და დარწმუნებული ვარ მივაღწევთ წარმატებას“, - განაცხადა ოქრუაშვილმა.