დავით დარახველიძე ჯოშუა ფიშელს შეხვდა

პოლიტიკა - 17:53, 17 Jun, 2014

1066

შემაჯამებელ შეხვედრაზე, დევნილთა მინისტრმა აშშ-ს სახელმწიფო დეპარტამენტის მოსახლეობის, ლტოლვილთა და მიგრაციის ბიუროს წარმომადგენელს საქართველოში, სამინისტროს საქმიანობის შედეგები დეტალურად გააცნო.

ჯოშუა ფიშელმა სამინისტროს მიერ გაწეული სამუშაოები, როგორც დევნილთა, ისე ლტოლვილთა და თავშესაფრის მაძიებელ პირთა მიმართულებით დადებითად შეაფასა.
ჯოშუა ფიშელის განცხადებით, ეს არის მისი უკანასკნელი ოფიციალური შეხვედრა აშშ-ს სახელმწიფო დეპარტამენტის მოსახლეობის, ლტოლვილთა და მიგრაციის ბიუროს წარმომადგენლის რანგში.
ჯოშუა ფიშელი საქართველოში ორი წლის განმავლობაში მუშაობდა და ის უახლოეს მომავალში პოსტს როტაციის პრინციპით დატოვებს.
აშშ-ს სახელმწიფო დეპარტამენტის მოსახლეობის, ლტოლვილთა და მიგრაციის ბიურომ საქართველოში 2008 წლის კონფლიქტის შემდგომ დაახლოებით 35 მილიონი დოლარის დახმარება გამოყო, რაც იძულებით გადაადგილებული პირთა თავშესაფარს, ერთჯერად ჰუმანიტარულ დახმარებასა და სოციალურ-ეკონომიკურ მხარდაჭერას მოხმარდა. დევნილთა და განსახლების სამინისტროს ბენეფიციართა დახმარებისათვის სხვადასხვა პროექტები ამ ეტაპზეც მიმდინარეობს, მაგალითისათვის მარტყოფში შენდება თავშესაფრი ჰუმანიტარული სტატუსის მაძიებელ პირთათვის.
ჯოშუა ფიშელთან შემაჯამებელ შეხვედრას საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის მოადგილე ნინო ჭავჭავაძე და სამინისტროს საერთაშორისო დეპარტამენტის წარმომადგენლები დაესწრნენ.