საქართველოს ფინანსთა მინისტრი ნოდარ ხადური საქართველოს ყოფილ პრემიერმინისტრს ბიძინა ივანიშვილს ეხმაურება. ივანიშვილმა „გურია ნიუსთან“ სახლმწიფოს მიერ გაცემულ პრემიებზე ისაუბრა, სწორედ ამ კომენტარს უპასუხა ნოდარ ხადურმა:

„სწორედ მაშინ, როდესაც ბიძინა ივანიშვილი პრემიერ–მინისტრი გახდა, მან მიიღო გადაწყვეტილება და რეალურად, მინისტრების შრომის ანაზღაურება ყველაფერთან ერთად ორჯერ და ზოგ შემთხვევაში, მეტად შემცირდა. ჩვენი წინამორბედი რამდენიმე მინისტრი თვეში 17 000-20 000 ლარს იღებდა. თქვენ იცით, რომ ბატონი ბიძინას დროს, ეს შრომის ანაზღაურება მნიშვნელოვანდ შემცირდა და გათანაბრდა და მას შემდე რაც ბატონი ირაკლი ღარიბაშვილი გახდა პრემიერ–მინისტრი, კიდევ ერთხელ შემცირდა. ასე, რომ გამონაკლისებთან დაკავშირებით შესაბამისი გადაწყვეტილებები იყო მიღებული“, – განაცხადა ხადურმა.