„ნაციონალური მოძრაობის“ წევრის ზურაბ ჯაფარიძის ინფორმაციით, მარნეულის საოლქო საარჩევნო კომისიის თავმჯდომარე და მოადგილე მიმალვაში იმყოფებიან.

„გუშინ ღამე გამოიცა განკარგულება. შემდეგ გადათვალეს ხმების პროპორცია ამ უბნების შედეგების გაუქმების გათვალისწინებით. ნახეს, რომ მეორე ტურია.

კომისიის თავმჯდომარემ გზაში დაურეკა ჩვენს წარმომადგენელს და ეხვეწა, დაეხია ეს ასლი, რადგან მოკვლით ემუქრებოდნენ.

საოლქომ ეს დოკუმენტი არ გადაუგზავნს ცესკო–ს. ასლი გვაქვს მხოლოდ ჩვენ. ამ წუთებში საოლქოს თავმჯდომარე და მოადგილე მიმალვაში არიან. ახლობლებს ეუბნებიან, რომ ოჯახის ამოწყვეტით ემუქრებიან“,- წერს ზურაბ ჯაფარიძე „ფეისბუქზე“.