საქართველოს თავდაცვის მინისტრი ირაკლი ალასანია „ერთიანი ნაციონალური მოძრაობის“ მიერ მარნეულში მომხდარ კანონდარღვევასთან დაკავშირებით გავრცელებულ ფარულ ვიდეოჩანაწერზე კომენტარს აკეთებს. ალასანიას განცხადებით ამ საქმის გამოძიება უნდა მოხდეს, თუმცა, მას ქმედების რეალურობის არ სჯერა:

„საინტერესოა ის, რაც „ნაციონალურმა მოძრაობამ“ გამოავლინა, ძალიან მნიშვნელოვანია ესეც და ჩემში ძალიან დიდ ეჭვს ბადებს ის, რომ გაყალბების მცდელობა იყო. კანონის დამრღვევი როგორც ირკვევა არის „ნაციონალური მოძრაობის“ დეპუტატის ცოლის ძმა და ასევე აზერ სულეიმანოვის უახლოესი პირი.აქედან გამომდინარე, საზოგადოებისთვის ძალიან ნათელია ის თუ რასთან გვაქვს საქმე“, - განაცხადა ირაკლი ალასანიამ.