ჯანდაცვის მინისტრი დავით სერგეენკო მიიჩნევს, რომ არჩევნების მეორე ტური ნორმალურია და ის შეიძლება დემოკრატიის გამოხატულებადაც განვიხილოს.

სეერგეენკო აზრით, ეს აჩვენებს, რომ არჩევანის გაკეთებისას მოსახლეობა უფრო მეტად პლურალისტური და კრიტიკული ხდება.

"თუკი რომელიმე საარჩევნო უბანზე მოხდა დარღვევა, ამისათვის არსებობს ცესკო. დარწმუნებული ვარ, კანონით დადგენილი წესით დაარეგულირებს ამ საკითხს და მიიღებს ადეკვატურ ზომებს", - განაცხადა დავით სერგეენკომ.