შინაგან საქმეთა სამინისტროში რამდენიმე წუთის წინ საგანგებო ბრიფინგი გაიმართა.

როგორც უწყების პრესსამსახურის ხელმძღვანელმა ნინო გიორგობიანმა განაცხადა, შსს-მ მარნეულის 25-ე და 57-ე საარჩევნო უბნებზე მომხდარ დარღვევებთან დაკავშირებით გამოძიება სისხლის სამართლის კოდექსის 164-ე მუხლით დაიწყო, რაც არჩევნების შედეგების გაყალბებას გულისხმობს.

"ამ დროისთვის მიმდინარეობს ოპერატიული სამძებრო-საგამოძიებო მოქმედებები დანაშაულის ჩამდენი პირების დასადგენად, ხაზგასმით აღვნიშნავთ, რომ მკაცრად დაისჯება ამ ინციდენტში მონაწილე ყველა პირი, პოლიტიკური კუთვნილების მიუხედავად",- აღნიშნა გიორგობიანმა.

მარნეულში არჩევნების გაყალბებასთან დაკავშირებით ვიდეომასალა დღეს "ნაციონალურმა მოძრაობამ" გაავრცელა. გასაჯაროვებულ კადრებში ნათლად ჩანს, რომ ერთი და იგივე პიროვნება თუ როგორ ახორციელებს საარჩვენო ყუთთან, რამდენიმე ბიულეტინის, რამდენჯერმე ჩაყრას.