დიმიტრი შაშკინი ამჟამინდელი მთავრობის მინისტრების “სიბრძნეების” საპატიო სამეულს აქვეყნებს

სოც.მედია - 19:41, 16 Jun, 2014

3560

თავდაცვის ყოფილი მინისტრი, "რეფორმატორთა კლუბის“ დამფუძნებელი დიმიტრი შაშკინი, სოციალური ქსელის მეშვეობით ამჟამინდელი მთავრობის მინისტრების “სიბრძნეების” საპატიო სამეულს აქვეყნებს.

"1-ლი ადგილი - ფინანსთა მინისტრი ბ-ნი ნოდარ ხადური.
ამტკიცებს, რომ ეკონომიკის ვარდნა განპირობებულია იმით, რომ კაზინოებში მოგებამ იკლო ანუ ხალხი არ დადის კაზინოში. სირცხვილი ხალხო! გადავარჩინოთ ეკონომიკა! ყველანი კაზინოში!

მე-2 ადგილი - განათლების მინისტრი ქ-ნი თამარ სანიკიძე.
ჟურნალისტის შეკითხვაზე, რატომ არის ბარდაგი განათლების სისტემაში და მაგალითად, სასკოლო ავტობუსებზე მილიონებს „ტეხავენ“, პასუხობს, რომ უზნაძის ქუჩიდან (ამ მისამართზე სამინისტროა) ეს არ ჩანს. ვუყიდოთ ერთი ჯაშუში თანამგზავრი მინისტრს, იქნებ მერე დაინახოს. ისე, ალტერნატივა კი არის - კაბინეტიდან გამოხვიდე და სკოლებში წახვიდე, მაგრამ ეს ხომ ძალიან ძნელია.

მე-3 ადგილი - იუსტიციის მინისტრი ქ-ნი თეა წულუკიანი.

"ქართული ოცნების" არჩევნებში არასასურველი შედეგის მიზეზის არის ფეხბურთი. რა კორელაცია დაინახა მინისტრმა ამ ორ მოვლენას შორის გაუგებარია. ეტყობა, ფიქრობს, რომ ან თბილისელების 70% წავიდა ბრაზილიაში ან მთელი დღე ტელევიზორში ფეხბურთს აჩვენებენ. ეტყობა არ არის ფეხბურთის ფანი, თორემ ეცოდინებოდა, რომ 20:00 საათიდან იწყება ტრანსლაციები, 20:00 საათზე კი არჩევნები მთავრდება",- წერს დიმიტრი შაშკინი "ფეისბუქის" საკუთარ გვერდზე.