კიევის მერის ვიტალი კლიჩკოს განცხადებით, მისი გუნდი ქართულ გამოცდილებას გაითვალისწინებს და ამისთვის საქართველოს ექს-პრეზიდენტმა უკრაინაში რეფორმატორთა გუნდიც ჩაიყვანა.

ამის შესახებ კლიჩკომ უკრაინული ტელეარხისთვის მიცემულ ინტერვიუში განაცხადა.

„კონსულტაციებს ვაწარმოებთ პოლონეთთან, ჩეხეთთან, გერმანიიდან სპეციალისტებიც ჩამოვიყვანეთ. დიდ დროს ვატარებთ საქართველოს ყოფილ პრეზიდენტ მიხეილ სააკაშვილთან. ის მხოლოდ რჩევებს კი არ გვაძლევს, არამედ ის გუნდიც ჩამოიყვანა, რომელმაც რეფორმები გაატარა. ამ რეფორმების სცენარი უკრაინული იქნება, მაგრამ ქართულ გამოცდილებას მხედველობაში მივიღებთ. საქართველო ერთ-ერთი ყველაზე კორუმპირებული სახელმწიფო იყო და ისეთი რეფორმების გზა გაიარა, რომ დღეს იქ კორუფციის დონე პრაქტიკულად ნულის ტოლია“,- განაცხადა კიევის მერმა.