„ნაციონალური მოძრაობის“ ვაზისუბნის მაჟორიტარობის კანდიდატი გოგა ონიანი გუშინდელ ინციდენტთან დაკავშირებით პოლიციაში დაკითხეს.

„სამწუხაროა, რომ პროკურატურის პოლიტიკურად მოტივირებულ საქმეებს შეემატა კიდევ ერთი სისხლის სამართლის საქმე. საქმე უნდა აღძრულიყო მკვლელობის მცდელობის, საარჩევნო საქმიანობისთვის ხელის შეშლისა და იარაღის უკანონო შეძენა–შენახვა–ტარების მუხლით, პროკურატურამ კი გადაწყვიტა, რომ თურმე, ეს საქმე უნდა დაწყებულიყო სხვისი ნივთის დაზიანების ფაქტზე. ჩემი შტაბის წევრი 2 ქალბატონი იდგა აივანზე და ორი ტყვია მოხვდა აივანს, თურმე, ეს ყოფილა ნივთის დაზიანება. ეს არის სამარცხვინო და სამწუხარო“,- აღნიშნა ონიანმა.

ონიანი პოლიციაში დაახლოებით 1 საათს იმყოფებოდა. საქმე ონიანის საარჩევნო შტაბისთვის 2 ტყვიის სროლის გუშინდელ ფაქტს ეხება.

.