„ლეიბორისტული“ პარტიის მერობის კანდიდატმა ასმათ ტყაბლაძემ „პირველის პრესკლუბში“ გამართულ პრესკონფერენციაზე განაცხადა, რომ მისთვის განსაკუთრებით გულდასაწყვეტი იყო ის ნიჰილიზმი, რომელიც ამომრჩეველმა გუშინ გამოიჩინა.

“მე ბოლომდე გავიმეტე თავი და წავედი ისეთ ადგილზე, სადაც მხოლოდ უნდა დავხარჯულიყავი, მთელი ჩემი დარჩენილი ძალა სალხის სამსახურში უნდა გამომეყენებინა. გაოცებული ვარ ასეთი პასიურობით. შეხვედრებზე რომ დავდიოდი, ხალხი მეუბნებოდა ცნობილ ფრაზას: “ქალბატონო ასმათ, გვეშველება რამე?” ახლა მინდა ვუთხრა: არ ეშველებათ! არავითარ შემთხვევაში არ გეშველებათ, ხალხო, თუ ასეთი პასიურები იქნებით, თუ ვერ განასხვავებთ ავსა და კარგს, თეთრსა და შავს, თუ ვერ მიხვდებით, რომ თქვენ უნდა იშრომოთ და ეს სწორი არჩევანით უნდა დაიწყოთ. არ გეშველებათ და ძალიან გული მწყდება ამის გამო”, - განაცხადა ტყაბლაძემ.