მსოფლიო ბანკი საქართველოს რეგიონული განვითარებისა მინისტრს აჯილდოვებს

პოლიტიკა - 15:03, 16 Jun, 2014

1601

მსოფლიო ბანკი საქართველოს რეგიონული განვითარებისა და ინფრასტრუქტურის მინისტრს აჯილდოვებს.
ჰენრი კერალი ერთობლივი პროექტების წარმატებით განხორციელებისთვის, სამთავრობო უწყებების ხელმძღვანელებს მსოფლიო ბანკის ევროპისა და ცენტრალური აზიის რეგიონში ვიცე-პრეზიდენტის ჯილდოს გადსაცემს.

ევროპისა და ცენტრალური აზიის რეგიონში ვიცე-პრეზიდენტის ჯილდო, პროექტების წარმატებით განხორციელებისათვის გადაეცემათ: საქართველოს რეგიონული განვითარებისა და ინფრასტრუქტურის, საქართველოს ფინანსთა მინისტრებსა და საქართველოს მუნიციპალური განვითარების ფონდის აღმასრულებელ დირექტორს.
დაჯილდოვების ცერემონიას საქართველოს ეკონომიკისა და მდგარდი განვითარების მინისტრი, ვიცე-პრემიერი გიორგი კვირიკაშვილი დაესწრება.
აღნიშნულ ჯილდოზე წელს წარდგენილი იყო 80 პროექტი, რომელთაგან 16 საუკეთესო შეირჩა. ერთ-ერთ წარმატებულ პროექტად დასახელდა „კახეთის რეგიონული განვითარების პროგრამა“, რომელსაც, მსოფლიო ბანკის მხრიდან, სამხრეთ კავკასიის მდგარდი განვითარების სექტორის ლიდერი აჰმედ აივეიდა უძღვებოდა.
აღნიშნული პროგრამა მიზნად ისახავდა კახეთის მოსახლეობის ცხოვრების დონის ამაღლებას ინფრასტრუქტურის მშენებლობა-რეაბილიტაციის, მცირე ბიზნესის ხელშეწყობის, ტურიზმის სექტორისა და სოფლის მურნეობის განვითარების გზით.
ევროპისა და ცენტრალური აზიის რეგიონში ვიცე-პრეზიდენტის ჯილდო საქართველოს სამთავრობო უწყებებსა და მსოფლიო ბანკს შორის წარმატებული თანამშრომლობის დასტურია.