ვფიქრობთ, რომ მეტი ცოდნა სჭირდებათ საარჩევნო მოხელეებს- ჯოს ვინენსი

პოლიტიკა - 13:45, 16 Jun, 2014

1083

ევროსაბჭოს რეგიონალური კონგრესის სადამკვირვებლო დელეგაციის ხელმძღვანელის ჯოს ვინენის განცხადებით, საქართველოში ხმების დათვლის პროცედურა უნდა გადაისინჯოს.

როგორც ჯოს ვინენმა განაცხადა, მას შემდეგ რაც მათ იხილეს, ძალიან კარგად ორგანიზებული საარჩევნო დღე, კონგრესის დამკვირვებლებმა საკუთარი ძალით დაინახეს, რომ ზოგიერთ ადგილას ხმის დათვლის პროცედურა საკმაოდ გაჭიმული და ხანგრძლივი იყო.

"ნაწილობრივ იმიტომ, რომ ბიოროკრატიული ინტერპრეტაცია ამ პროცესის არ დარღვეულიყო. ნაწილობრივ იმიტომაც, რომ მიკრომართვა, მენეჯმენტი ამ პროცესის არ იყო სათანადოდ მომზადებული.

აქედან გამომდინარე, ვფიქრობთ, რომ მეტი ცოდნა სჭირდებათ საარჩევნო მოხელეებს, განსაკუთრებით კომისიის თავმჯდომარეებს. რაც შეეხება სივრცეს, სადაც არჩევნები მიმდინარეობდა, ამ კუთხით არის კიდევ ბევრი გასაკეთებელი და განსაკუთრებით შეზღუდული შესაძლებლობის მქონე ადამიანების ხელმისაწვდომობა საარჩევნო უბნებზე. საერთოდ ვფიქრობთ, რომ მეტი სივრცე უნდა იყოს გამოყოფილი იმ ყველა ადამიანისთვის, რომელიც უბანზე ხმის მისაცემად მიდის. ჩვენ ნამდვილად განვიცდით იმას, რომ ოპოზიციური პარტიებიდან მოგვიდოდა ინფორმაციები, რომ კანდიდატებმა თავიანთი თავი ამოაღებინეს პროპორციული სიიდან. ეს სავარაუდოდ იმიტომ ხდებოდა, რომ მათ წინააღმდეგ იყო განხორციელებული ზეწოლა. არ აქვს მნიშვნელობა რამდენი იყო ასეთი ინციდენტი. ერთიც რომ ყოფილიყო, ასეთ შემთხვევაში ჩვენ ჩავთვლიდით, რომ ეს ნამეტანია", - განაცხადა სადამკვირვებლო დელეგაციის ხელმძღვანელმა.

მისი თქმით, დელეგაცია ურჩევს ხელისუფლებას, რომ ჩაატაროს შესაბამისი პროცედურები და გაირკვეს სიტუაცია.
ჯოს ვინენმის განცხადებით, მიუხედავად ბევრი დადებითისა, საარჩევნო კანონმდებლობა მაინც საჭიროებს შემდგომ გაუმჯობესებას.