„ნაციონალური მოძრაობის“ ვაზისუბნის მჟორიტარი დეპუტატობის კანდიდატის გიორგი ონიანის შტაბს ცეცხლსასროლი იარაღიდან ორი ტყვია ესროლეს.

როგორც „ნიუპოსტს“ ოანიანმა განუცხადა, ტყვია აივანზე მყოფ მის თანამშრომლებს 20 სანტიმეტრით ასცდათ.

„რამდენიმე წუთის წინ ჩემი ოფისის მიმართულებით ცეცხლსასროლი იარაღიდან გაისროლეს. ორმაგი შუშა გვაქს, ტყვიამ ერთი შუშა გაახვრიტა, თუმცა მეორე ვერ გახვრიტა. ჩემი თანამშრომლები აივანზე იმყოფებოდნენ და დაახლოებით 20 სანტიმეტრით ასცდათ ტყვია ამ ადამიანებს. სამართალდამცველები გამოვიძახე 20 წუთია თუმცა ამ დრომდე არავინ მოსულა“, - განაცხადა ონიანმა.