„ნაციონალური მოძრაობის“ ერთ-ერთი ლიდერის გიგა ბოკერიას განცახდებით, „იმ ფონზე, როდესაც პრემიერი „ნაციონალურ მოძრაობას“ რადარებიდან გაქრობას უწინასწარმეტყველებდა, მან შედეგები გააუმჯობესა“.

ამის შესახებ მან ტელეკომპანია „მაესტროს“ ეთერში განაცხადა.

„მთელს საქართველოში სურათია დაბალი აქტივობის, რაც, ჩემი აზრით, შედეგია იმ ატმოსფეროსი, რაც ხელისუფლებამ შექმნა - ძალადობის, სიძულვილის, ზეწოლის, ცინიზმის. ასე გამოხატა ამომრჩეველმა თავისი დამოკიდებულება. ამასთან, ქალაქების დიდ ნაწილში ეგზიტპოლებზე დაყრდნობით, დიდი ალბათობით, მეორე ტური იქნება და თუ ეგზიტპოლს დავეყრდნობით, ხელისუფლებამ დაკარგა 15-20% მხარდაჭერის, რაც საქართველოს ტრადიციის პირობებში არის სერიოზული ვარდნა და გამოხატავს იმ პროცესს, რომელიც, დარწმუნებული ვარ, რომ გაგრძელდება. ამასთან, რადარებიდან გაქრობა, რაზეც ლაპარაკობდა ბიძინა ივანიშვილის მარიონეტი ღარიბაშვილი, „ნაციონალურმა მოძრაობამ“ გააუმჯობესა თავისი შედეგი ყველა წინასწარი მონაცემით. ეს მთავარი დაკვირვებაა, რაც შემიძლია, ვთქვა. რაც შეეხება ატმოსფეროს, ყველაზე დიდი დარტყმა დემოკრატიულმა ატმოსფერომ სამეგრელოს რაიონში ზუგდიდში მიიღო მთელი ამ საარჩევნო კამპანიის განმავლობაში. იყო ძალადობა, ხალხის ტრაგედიით სარგებლობა, ამან თავისი შედეგი გამოიღო, მაგრამ როგორია საბოლოო შედეგი, ამას ვნახავთ“,-განაცხადა გიგა ბოკერიამ.